Biste afjehäng un ärbeetslos: Mir han ene jode Job für Disch

Wat, Du häss kene Job? Do han isch jät für Disch. Bei os kannste don, wat de wills, selfs wenn et aan sisch verbode is.
Wenn de jän ens e Hus anzünde wills, dann biste bei os rischtisch. Wenn de jän ens ene Flüschtling in de Fress haue wills, dann biste och rischtisch bei os. Bei os kannste Deine niedersten Triebe usläwe.
Dat Eenzije, wat Du bei os don muss, is berischte, wat Du deis. Dofür kris Du örntlisch Jeld.
Wenn Du jät deis, wat normalerwies verbodde is, bruchs Du bei os keen Strof befürschte. V-Lück von os jon stroffrei us, wenn se „szenetypische“ Stroftate verübt han.
Mir zohle jod: Bis zu 100.000 Euro kannste bei os verdiene. Esu viel han V-Lück bei os add jekrät.
Mit dem Jeld han die dann Nazi-Orjanisatione uffjebaut. Mir han dat all finanziert.
Noher han mir dann ene Jrund jehabt, die Nazi-Orjanisatione zu beobachte. Esu hät sich dat janze Jeld jod jelohnt. Zur Zick söke mir V-Lück. Häste keen Los, et bei os ens zu probiere?
Ene bessere Job kriste kaum irjendswo. Mir nemme sujar völlisch verdötschte Lück ohne Vürbildung. Schließlisch is dat jo och „szenetypisch“ wie die Verbreche, die Du dann bejehe darfs, wenn Du bei os ärbede deis.