Macron un en Makrönsche: Süß!

Ming Tant hätt jään ens en Makrönsche jejesse. Jetz jibt dat Emmanuel Macron. Der is vielleischt süß!
Der will Europa neu jründe. Do hätt der sich jät vürjenomme. Dat wör jo fast mieh wie dat Lewenswerk vom Konrad Adenauer.
Mit Deutschland will der eng kooperiere. Dat is jood. Wenn schon mieh wie 12 Prozent von dene Abjeordnete im Bundestaach usfalle, kann Angela Merkel Ungerstützung us Frankreisch jood jebrauche.
Op der französische EU-Kommissar will der Macron verzichte. Dat is jood. Wer kennt der französische Jeck in der Kommission öwerhaupt?
En jemeinsamet Büdget will der Macron für die EU un ene jemeinsame Finanzminister. Dat wör jood. Dann hätt der Wolfjang Schäuble nix mieh zu malträtiere.
Allet will der Macron neu maache. Äwer in singem eijene Land hät der jetz heftisch Jejewind weje der Sozialkürzunge.
Do is et vielleischt nit dumm, de Aufmerksamkeit noh Europa zu lenke. Esu merkt keener, wat der doheem in Paris deid.
Macron is eben en ausjewachsenet Makrönsche. Un Makrone schmecke zwor janz jood, äwer se sin manschmal och jet hart.