Am Ende des Tages is dat rheinische Revier janz rein von Korruption.

9 Apr

In Deutschland han mir de repressive Demokratur, oder wie heiß dat noch ens? Jedenfalls is dat nit de direkte Demagogie.
De Politiker in Berlin sin all Demokrate, su lang se örntlisch Jeld dafür krieje. Se stimme für dat, wat de wirklisch Mächtije ihnen empfehle. Dat könne ens Uploadfilter sin oder och ens Abjasfilter, äwer immer don se janz unjefiltert dat, wat Springe un Vw wolle.
Bei der direkte Dämlackkratie wör dat anders. Do künnt jo jeder stimme, wie er will. Dat wör vell ze düür für de Weetschaff.
Ein Problem han se äwer jetz: De Kinder komme un wolle Zukunft han. Häste dat ens jehört: „Zukunft“?
Se schreie „Fridays for Future“. dat heiß esu vell wie „Freie Daach für de Schöler“ oder esu ähnlisch.
Dann wolle die Rotznase doch jlatt de Braunkohle still leje. Wat solle mir in unserm joode Hambacher Forst da dann donn?
Mir jrabe doch der janzen Daach nur noh Kohle. Eijentlisch sollte dat doch och add de Kinder wisse, dat im rheinischen Kapitalismus nix lööft ohne Kohle.

Werbeanzeigen
%d Bloggern gefällt das: