Putsch un futsch: Erdojan is wahnsinnisch

17 Jul

Nä Ali, mit Dir drink isch keh Kölsch mieh: Du häs der Erdojan jewählt; un noh dem Putsch dreht der jetz dürsch. Äwer Du fings dat janz jrußartisch un schwenks Di Fähnsche wigger für de AKP.
Mieh wie 6.000 Minsche hät der Erdojan sick dem Putsch add in der Bau jebraat. Jetz will der sujar noch de Todesstrof enführe.
2.745 Rischter hät der Erdojan direkt noh dem Putsch einjelocht. Mieh un mieh wird de Türkei zur Diktatur. Der Erdojan beseitischt alle, die ihm nit zujubele.
Dat jeht esu schnell, dat mer fast jlöwe maach, der Erdojan hät add vürher von dem Putsch jewuss oder sujar dran mitjemaat. Zuzutraue wör ihm dat.
er Kääl is doch skrupellos, machtjeil un jrößewahnsinnisch. Äwer dat wills Du nit verston, Ali!
Isch jon jetz mit dem Mehmed mi Kölsch drinke. Der hät schon lang jesaat, dat der Erdojan ene fiese Möpp is. Der Erdojan lässt Journaliste im Knast verschwinden un sujar in Deutschland weje Majestätsbeleidijung verfolje.
Der Erdojan lässt op Kurde schieße. Der Mehmed is och kurdischer Abstammung, obwohl der in Kölle jebore is. Äwer der hät si Cousins un Cousine do, wo sick Monde op Wohnhüser jeschosse wird.
Eins verston isch äwer nit: Woröm sin nur esu viele Türke in der Erdojan verschosse? Wat hät der, dat die ihm trotz all der Jrausamkeite folje?
Der Mehmed meint, dat wör esu ähnlich wie vür 70 Johr bei de Deutsche un Hitler. Äwer Hitler-Vergleische mach isch janz un jar nit. Hitler wor ene skrupellose Massenmörder un einmalisch in der Jeschichte.
Jedenfalls hoff isch, dat der Hitler einmalisch bliewt. Sechs Millione ermordete Jude sollten de Welt jezeischt han, dat sich esu jät nie wiederhole darf.
Isch glöw, der Erdojan is janz jenauso ene Trottel wie der Ali: Der Ali is en Jroßmaul mit zwei linke Häng. Dabei is der doch eijentlisch ene Rechte!

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s

%d Bloggern gefällt das: