Et is add widder esu wick: Süßer de Kasse nie klingele

Süßr die Jlocke nie klinge. Hörs Du die Kasse add klinge?

Ich hann jedaach, et jöhf no jät Zick, äwer die hann jetz add aanjefange, der Weihnachtsmaat opzubaue. Öwerall stonn Tanne eröm un nadele.
Öwer der Strooße hänge Jirlande mit Lischter dran. Öwerall hürt mer Musick mit Jlöcksche on Kinderchöre.
Männer in Ruud mit wieße Bärte un braune Säck op em Rögge jonn eröm un vertiele Floochblätter. Et jruße Jeschäf hät add bejonne.
De Jeschäfte sin voll und de Lück hektisch. Se renne eröm un kaufe kram, den keiner brucht. De Kinder quengele, und de Erwachsene sin schlääch jelaunt. Jeder hätt Stress.
Nur der lewe Jott im Himmel kratz sisch der Kopp. Wat hätt dat mit mir und mingem Sonn ze donn, fraach er sisch. Die sollte der janze Klimbim nit Weihnaachte nenne, sondern „Au-wei-schlachte“.